Ish-Kryeministri Sali Berisha ka folur për gazetarët jashtë sallës së Parlamentit në lidhje me ngërçin e krijuar për reformën në drejtësi.
Berisha u shpreh se aktualisht asgjë nuk e pengon këtë reformë për të kaluar në Parlament dhe për t’u votuar, ndërsa nuk ka dashur të bëjë më shumë komente për shkak se negociatat janë në zhvillim.
“Ka negociata dhe unë nuk dua të ndikoj. Dëshmitar i 100% i besueshëm është Ylli Manjani, që s’do t’i lejonte vetes kurrë të dilte në krah të Bylykbashit dhe të pohonte se negociatori i z.Rama është dakord.
Një rilindës më ka dërguar sot një mesazh. Unë po them çfarë thotë socialisti. Fakti që ai po sillet dhe po bën gjithçka për të mos u votuar kjo reformë, tregon që ai ka skemë tjetër. Koha po vjen për të dalë e vërteta. Ne jemi për reformë, jemi të gatshëm të votojmë edhe sot pasdite reformën e dakordësuar”, u shpreh ish-Kryeministri Sali Berisha.
