Gjatë ditës së sotme liderët e botës janë mbledhur në kryeqytetin francez për ti dhënë lamtumirën e fundit, ish-presidentit Xhak Shirak. Në ceremoninë mortore të mbajtur në nder të ish-liderit frances, nuk ka munguar as Kryeministri Edi Rama. Por, ndryshe nga hera e fundit, në takimin me krerët e botës në Prishtinë, ku Bill Clinton nuk i dha as dorën Ramës, ky i fundit duket se ka vendosur të ndreq gabimin.
Imazhi i tij sportive me syze dielli dhe kostum me atletet me të cilat u paraqit gjatë ceremonisë së përvjetorit të Pavarësisë së Kosovës, është zëvendësuar sot me një pamje elegante dhe serioze. Duke e ditur që një imazh i tillë do t’i sjellë më shumë fat në propagandën e tij, Rama ka siguruar më në fund vëmendjen e ish-presidentit amerikane edhe falë ndihmës së presidentit të Kosovës, Hashim Thaçi. /BN/
