Kaosi që përfshiu fillimin e ndeshjes mes Tiranës dhe Partizanit ka krijuar një situatë të paprecedent në stadiumet shqiptare.
Sulmi i tifozëve të Tiranës ndaj atyre të Partizanit ka bërë që të shtyhej edhe hyrja në fushë e futbollistëve të të dy skuadrave për të bërë nxehjen.
Por meqë përplasja mes tifozerive ndodhi në pjesën e stadiumit ku duhej të bënte nxehje Partizani, kur të kuqtë kanë zbritur në fushë, janë përballur me një situatë të pakëndshme.
Sipas “SuperSport”, tifozët që hynë në fushën e lojës kanë vjedhur topat që stafi i Partizanit kishte pozicionuar në fushë në pritje që të bënte nxehjen e zakonshme.
Kësisoj, për t’u kthyer në fushë është dashur fillimisht që të sigurohet baza materiale për të zhvilluar normalisht nxehjen para fillimit të ndeshjes.
