Protestat në Rajonin Special Administrativ të Hong Kongut, vazhdojnë pavarësisht vendimit të qeverisë për të tërheqë projektligjin e ekstradimit në Kinë, i cili nga fillimi i muajit qershor ka shkaktuar protesta masive antiqeveritare, transmeton Anadolu Agency (AA).
Policia për të shpërndarë protestuesit përdori gaz lotsjellës si dhe ujë me bojë për të përcaktuar protestuesit.
Mijëra protestues në Hong Kong ku janë duke vazhduar përgatitjet për Festën Kombëtare të Kinës më 1 tetor të martën, vazhduan edhe në fundjavë protestat e tyre.
Pasi protestuesit u drejtuan kah ndërtesa qeveritare dhe gjuajtën koktejl molotovi, policia shpërndau ato me gaz lotsjellës.
Një grup i protestuesve dëmtuan stacionin e metros Causeway Bay, ndërsa një grup tjetër vuri flakë barrikadën që kishte vendosur.
Disa nga protestuesit dogjën edhe flamurin e Partisë Komuniste të Kinës.
Forcat e sigurisë nga njëra anë shuan zjarrin me ujë me presion, ndërsa për të përcaktuar më lehtë protesuesit përdori ujë me bojë.
Nga ana tjetër në orët e mëngjesit qindra qytetarë të Hong Kongut pro-kinez, zhvilluan demonstratë në mbështetje të administratës kineze.
Protestuesit të veshur me të kuqe dhe flamuj të Kinës, brohoritën slogane “unë jam shtetas i Kinës”.
Rajonin Special Administrativ i Hong Kongut, kishte njoftuar se ka anuluar showin me fishekzjarre për Festën Kombëtare të Kinës më 1 tetor, me arsye të “sigurisë publike”.
– Protestat në Kinë
Hong Kongu u bë skenë protestash të paprecedentë që nga fillimi i qershorit kundër masës së qeverisë lokale për të legalizuar ekstradimin në Kinë.
Projektligji që parashikonte ekstradimin në Kinë, rajonin special Macao dhe në Tajvan të personave që janë të dënuar ose ndaj të cilëve ka pretendime akuzuese në Hong Kong, u paraqit në parlament më 3 prill.
Pavarësisht se projektligji përjashton krimet politike, në Hong Kongun me popullsi prej 7,4 milionë banorësh, shumica e popullatës ndante shqetësimin se njerëzit do t’i nënshtrohen paraburgimit arbitrar, proceseve të padrejta gjyqësore dhe madje edhe torturave nën sistemin gjyqësor të Kinës.
Opozitarët kanë shprehur shqetësime se nëse ligji miratohet, ai do të rezultojë që Kina të vendosë në shënjestër opozitarët politikë në Hong Kong.
Protestat më vonë vazhduan pavarësisht se shefja ekzekutive e Hong Kongut, Carrie Lam, kishte njoftuar tërheqjen e projektligjit.
Hong Kongu është rajon autonom i Kinës nën formulën “Një vend, dy sisteme” që nga 1 korriku i vitit 1997, kur Britania ia dorëzoi ish-koloninë e saj Pekinit.