Ambasadori i BE Luigi Soreca, ka komentuar vendimin e Bundestagut për çeljen e negociatave të Shqipërisë me BE-në. Përpes një deklarate për mediat ai u shpreh i bindur se ‘Po-ja’ e fituar nga Gjemrani ishte më shpresëdhënëse se sa kundërshtimet.
“Jemi të kënaqur me rezolutën. Bundestagu njohu punën e bërë nga Shqipëria por gjithashtu ka identifikuar zonat ku duhet punuar. Nuk do të flas për kushte të reja. Gjermania është një vend i rëndësishëm për rolin që ajo luan, megjithatë janë edhe vendet e tjera që po finalizojnë vendimin e fundit. Vendimi i Bundestagut është një hap i rëndësishëm, por duhet të respektojmë edhe shtetet e tjera. E rëndësishme është qeveria federale ka dhënë mandatin që të thuhet po për Shqipërinë. Këshilli do ta marrë vendimin. Në rast se merret ku vendim do të pasohet nga një konferenca ndër-qeveritare. Këtu do të bëhet edhe çelja e negociatave. Të gjitha palët duhet të bëhen bashkë që Shqipëria të ecë para,”-tha Soreca.
I pyetur nga gazetarët nëse mendon që deri më tetor, Shqipëria do të ketë ngritur Gjykatën Kushtetuese, Soreca u përgjigj se ishte shpresëplotë.
