Fotini Derxho ishte e ftuar pasditen e sotme në studion e “Ftesë në 5” me Bieta Sulon, për të sqaruar të vërtetën e ndarjes së saj nga Danjeli ku konfirmoi thashethemet.
Dyshja u bë e famshme prej një reality show, i cili i bashkoi e po ashtu i martoi brenda një periudhe të shkurtër kohore. Por mesa duket gjithçka qe vetëm një ëndërr e bukur dhe zgjati aq sa edhe reality show pë rfundoi. Ata të dy patën edhe një llogari të përbashkët instagrami por shumë shpejt e mbyllën.
E ftuar sot, Fotinia është pyetur lidhur me këtë periudhë të jetës së saj dhe ndër të tjera tha se e ka shijuar atë kohë. “Jemi dashur, por tashmë përfundoi. Doja të tregohesha e sinqertë me fansat që me kanë dashur dhe mbeshtetur,- tha ajo.
Ndërsa sa i përket lidhjes me Danielin tha: –Nuk jam penduar për lidhjen me të sepse ka patur dashuri. Pendohem për disa gjëra të vogla si dasma psh. Dasma ishte më shumë seç duhej,”-e mbylli deklaratën ajo. E pyetur me se po merret këto kohë, Fotinia pohoi se ka vazhduar jetën e saj dhe tashmë punon si përkthyese.
