Një 65-vjeçar është gjetur i pajetë në banesë. Ngjarja ka ndodhur në lagjen “Luigj Gurakuqi”, Elbasan.
Mësohet se i moshuari që u gjet i pajetë është identifikuar si Engjell Hasekiu, i cili jetonte vetëm.
Elbasan/ Informacion paraprak
Në lagjen “Luigj Gurakuqi”, Elbasan, në banesë është gjetur pa shenja jete shtetasi E.H., rreth 65 vjeç, i cili jetonte i vetëm në banesë.
Nga këqyrja paraprake e kufomës nuk janë konstatuar shenja dhune.
Grupi hetimor ndodhet në vendngjarje dhe po punon për përcaktimin e shkaqeve të vdekjes.
