Kush tha që shqiptarët përmenden vetëm për vepra të këqija nëpër botë? Disa emigrant shqiptarë kanë arritur të thyejnë akullin, duke bërë për vete grekët.
Një iniciativë speciale u nis fundjavën e kaluar nga Shoqata Shqiptare e Mërgimtarëve të Kissamos.
Anëtarët e Shoqatës me përvojë në ndërtim dhe punë teknike dhuruan një lulishte të bukur në Shkollën e Parë Fillore të Kissamos, e cila tani do të zbukurojë ndërtesën dhe do ta modernizojë atë estetikisht për shumë vite.
Media greke ka publikuar fotot frymëzuese të punës së emigrantëve shqiptarë dhe i cilëson një shembull të vullnetit të mirë dhe kontributit për shoqërinë.
Iniciativa e tyre ka thyer mitin e shqiptarëve, të cilët përgjithësisht në mediet e huaja janë përmendur vetëm për vepra penale, vjedhje dhe pazare droge.
