Fatmir Brazhda, kreu i Kadastrës në Librazhd ka dhënë dorëheqjen nga detyra.
Lënien e detyrës e ka bërë të ditur përmes një njoftimi në profilin e tij në Facebook.
Brazhda shkruan: “Pas një periudhe 19 mujore në ZRPP/Kadastra Vendore Librazhd vendosa te largohem nga kjo detyrë. Jam shumë i lumtur që pata mundësinë të punoj në këtë zyre duke pritur dhe zgjidhur me qindra probleme pronësie të komunitetit te bashkisë Librazhd dhe bashkisë Përrenjas. Me këtë rast dua t’ju kërkoj ndjesë kujtdo që ka menduar se ne nuk i kemi zgjidhur problem për arsye të ndryshme, jemi munduar të shfrytëzojmë të gjitha mundësitë ligjore për të ndihmuar çdo kënd në mënyrë korrekte dhe pa asnjë dallim apo interes personal. Kjo zyrë sot merr frymë lirisht, çdo kush merr shërbimin e duhur pa asnjë lloj burokracie apo arrogance”.
Më tej, shton: “Jam i kënaqur me stafin që pata mundësinë të punoj, ata janë për mua janë heronj të vërtetë, të cilët çdo ditë 8 orë por dhe më shumë, si edhe në ditët e pushimit kanë sakrifikuar për të mbaruar të gjitha dosjet/aplikimet e prapambetura prej më shumë se 5 vjet. Sot s’ka asnjë dosje të prapambetura të pa trajtuar nga kjo zyrë. Mirënjohje për të gjithë ata që ma besuan këtë detyrë sa aq të vështirë por aq dhe fisnike. Respekte për të gjithë”!
Ende nuk ka një emër zyrtar për pasardhësin e Fatmir Brazhdas në krye të Kadastrës Librazhd.
