Derbi i “zjarrtë” i kryeqytetit Tirana-Partizani, ku këtë vit është edhe një duel titulli është shtyrë. E programuar për tu luajtur në orën 16:00 të së dielës së 29 shtatorit, së fundmi është marrë vendimi që të luhet në orën 19:00 të po asaj dite.
Lajmin e ka bërë të ditur përmes një njoftimi në Facebook vetë Federata Shqiptare e Futbollit. Kjo e fundit ka marrë garanci nga OSHEE në lidhje me furnizimin me energji elektrike pa probleme gjatë orarit të derbit.
NJOFTIMI I FEDERATËS
Tirana – Partizani, ditën e dielë, ora 19:00
Federata Shqiptare e Futbollit dëshiron të informojë opinionin publik se ndeshja Tirana-Partizani, e vlefshme për javën e 6 të Kategorisë Superiore, do të zhvillohet ditën e dielë, ora 19:00, në stadiumin “Selman Stërmasi”. Ky vendim është marrë pas garancisë që ka dhënë OSHE në lidhje me furnizimin me energji elektrike dhe pa probleme gjatë orarit të zhvillimit të Derbit të Tiranës.
