Futbollisti shqiptar Endri Çekiçi vazhdon performancat pozitive në Slloveni ku po shkëlqen me ekipin e tij Olimpija Ljubljana.
Pogradecari është bërë sërish protagonist edhe në javën e 11-të të kampionatit duke shënuar një supergol për ekipin e tij në transfertë ndaj Domzales.
Ekipi i shqiptarit shënoi i pari në minutën e 16-të, por vendasit barazuan pas disa minutave. Por, menjëherë sapo erdhi barazimi, për të kaluar sërish Olimpijan në avantazh mendoi pogradecari.
Çekiçi shënoi një supergol në minutën e 33-të me të majtën nga jashtë zone, duke çuar topin drejt e në fundin e rrjetës, e duke mos i lënë asnjë shans portierit kureshtar.
