Kryeministri Edi Rama e sheh pozitivisht miratimin e kërkesës së qeverisë gjermane nga grupet parlamentare CDU/CSU dhe SPD lidhur me kushtet që i janë vënë Shqipërisë, për hapjen e negociatave me BE.
“Një dritë jeshile për të shkuar në Këshillin Europian me një çelje të negociatave me BE”, e cilësoi kreu i qeverisë.
“Integrimi është proces i gjatë dhe aspak i thjeshtë për mbushje kushtesh. Duke çelur negociatat kemi çelur një rrugë ku duhet të përmbushim mos 1 mijë kushte për çdo sektor. Kushtet e përcaktuara në dokumentin e partive të shumicës janë kushte që i bëjnë mirë dhe i duhen vendit. Jam shumë i inkurajuar nga kjo. I jam mirënjohës kancelares që ka qenë forca kryesore në thyerjen e kësaj barriere që kishim në Bundestag, atyre që në CDU e kanë mbështetur në Shqipërinë, mirëkuptoj dhe ata që kanë bërë gjënë e duhur”, tha Rama në një intervistë nga SHBA ku ndodhet në kuadër të Asamblesë së Kombeve të Bashkuara, transmetuar në faqen e tij në Facebook.
