Uji i ndotur në lumin e Ishmit, i cili zbarkon në det, ka sjellë një ndotje masive në zonën e Kepit të Rodonit.
Tonelata me bidona dhe mbetje plastike, kanë bërë që organizata mjedisore “Ecovolis” të ngrejë zërin dhe të hedhë një ‘shuplakë’ të fortë ndaj shtetit dhe përgjegjësve për këtë katastrofë që ka 30 vite që ndodh.
Më poshtë është shkrimi i plotë i organizatës mjedisore “Ecovolis”, një thirrje e fortë ndaj shtetit për të reaguar ndaj kësaj katastrofe që po i ndodh Shqipërisë.
Postimi:
Një Tokë, një Det, një Lumë i helmuar nga mbeturina, toksina që vrasin kafshë, peshqë dhe njerëzit që ushqehen me to!
Një botë nënujore e shkatërruar, një ekosistem drejt zhdukjes, plot mbetje industriale, spitalore, bimë të helmuara! Aty ku peshkatarët, peshkojnë veç bidona në ujëra të zeza, ku ndotja dhe vdekja shpërndahet milje larg! Mire se erdhet ne Rodon, aty ku ka 30 vite e njëjta katastrofë! Tonelata mbeturina hedhur nga Tirana në Krujë drejt e në detin tonë!
Nje denim kolektiv per femijet, per brezin qe vjen pas, për zhvillimin e qendrueshem që as nuk bëhet fjalë!
Dikur një lumë i pastër, me ujë të pijshëm, me plazh dhe turizëm sot një vend rrezik për jetën, për ujerat, për speciet, milje larg!
Ti që lahesh në Durrës a në Lezhë, që ha peshk të zonës ketej! Ti që hedh plehrat në lumë dhe vret.
Ku jeni? Bashkia, Qeveria, Ministria, Ushtria, Policia…Po helmohet TOKA, UJI, AJRI! Po rrezikohet jeta e mijëra qytetarëve! Ku jeni?
