Lionel Messi nuk ka qenë në gjendje ta vazhdojë ndeshjen mes Barcelonës dhe Villarrealit në La Liga, e cila u zhvillua në “Camp Nou”, dhe është zëvendësuar pas përfundimit të pjesës së parë.
Messi, i cili ishte titullar për herë të parë këtë sezon për shkak të lëndimit në kofshe që e la jashtë për gati dy muaj, luajti 45 minuta gjatë të cilëve ka ndier shqetësime muskulore.
Ousmane Dembele e ka zëvendësuar superyllin argjentinas pas pjesës së parë.
Në minutën e 30-të, Messi kërkoi ndihmën e mjekëve dhe u trajtua jashtë fushës.
32-vjeçari u ankua për dhimbje muskulore në këmbën e majtë.
Doktorët i bënë masazhe në muskulin e këmbës së majtë Messit para se të rikthej në fushë për ta vazhduar pjesën e mbetur të pjesës së parë.
Megjithatë, Ernesto Valverde e ka zëvendësuar atë gjatë pushimit mes pjesëve duke mos dashur të rrezikojë më shumë.
Ndeshja përfundoi me rezultain 2-1 për vendasit të cilët ngjiten në kuotën e 10 pikëve.
Messi u shpall para pak ditësh futbollisti më i mirë nga FIFA për vitin 2019.
