Njerëzit dhe pajisjet do t’i afrohen Diellit më afër sesa ndonjëherë më parë, falë sondës së NASA-s, “Probe Plus”, e cila gjendet në fazën përfundimtare të zhvillimit.
Sonda në fjalë do të duhej të lansohej në verën e vitit 2018, për t’iu afruar yllit tonë deri në një distancë prej vetëm 6 milionë km. Sa për krahasim, Toka gjendet në një largësi mesatare ndaj Diellit prej rreth 150 milionë kilometrash.
“Probe Plus” do ta arrijë atë distancë pasi që do të bëjë 24 orbita dhe shtatë rrotullime rreth Afërditës. “Kjo ka rëndësi të madhe për ekipin tonë. Kjo tregon se kemi dizajnuar një fluturake hapësinore e cila mund t’iu bëjë ballë kushteve të vështira, që mbretërojnë në afërsi të Diellit”, thotë midis të tjerash Andy Drysman, menaxher i projektit “Solar Probe Plus”. Në afërsinë me të cilën kjo sondë do t’i afrohet Diellit, temperatura është rreth 1400 shkallë celsius.
