Shqipëria gdhihet nën ujë. Nga reshjet e dendura të shiut gjatë mesnatës janë përmbytur rrethi i Krujës. Konkretisht fshatrat Luz, Mazhë, Mallkuç, Gjuricë, Bilaj, Murqinë, Hasan, Ura e Gjoles, janë nën ujë. Deri më tani raportohen 50 banesa të përmbytura dhe dhjetëra familje të izoluara. Nën ujë është zgjuar edhe qyteti i Laçit, pasi ka dalë nga shtrati përroi i qytetit, duke përmbytur banesat dhe automjetet.
Akset rrugore të bllokuara janë autostrada Tiranë-Durrës pasi është përmbytur. Si pasojë qarkullimi i mjeteve lejohet në aksin tjetër, nga rruga e vjetër Maminas-Vorë. Po kështu nga moti i keq ka pasur rrëshqitje gurësh edhe në rrugën Milot-Burrel. Në këtë aks rrugor qarkullimi i mjeteve bëhet vetëm në një krah të rrugës. E përmbytur është edhe autostrada Fushë- Krujë- Milot në afërsi të fshatit Luz. Kalimi i mjeteve bëhet me vështirësi.
- Qytetet që janë prekur më shumë nga shirat dhe moti i furishëm janë Tirana, Fushë Kruja, Lezha, Durrësi dhe Vlora. Katet e para të pallateve dhe shumë nga lokalet e kryeqyteti janë përmbytur. Në shumë qytete të vendit ka pasur edhe mungesë të energjisë elektrike. Ende vijojnë shirat e dendur. Milot- Reshjet e dendura të shiut gjatë mesnatës kanë bërë që të përmbytet edhe autostrada Fushkrujë- Milot në afërsi të fshatit Luz. Kalimi i mjeteve bëhet me vështirësi.
Dosja.a mëson se niveli i ujit ka arritur në 30 centimetra.
- Gjendje alarmante në rrethin e Krujës. Disa fshatra janë të përmbytur totalisht nga reshjet e dendura të shiut gjatë natës.
Konkretisht fshati Luz, Mazhë, Mallkuç, Gjuricë, Bilaj, Murqinë, Hasan, Ura e Gjoles, janë nën ujë. Disa qindra hektarë tokë dhe mbi 50 banesa janë në ujë dhe shumë familjet janë të izoluara. Niveli i ujit po rritet nga minuta në minutë.
Akset kryesore janë te kalueshme aktualisht, problem janë rrugët e fshatrave.
Fshati Muqinë është përmbytur nga Lumi Ishëm dhe kanali i Budullës, të cilët kanë dalë nga shtrati gjate natës.
