Reshjet e shiut, me intensitet të lartë, kanë shkaktuar një situatë alarmante në Kurbin, në orët e natës. Uji ka hyrë në shumë banesa dhe banorët thanë se këtë gjendje nuk e mbanin mend ndonjëherë të kishte ndodhur.
Fshati Murqinë i Krujës është gdhirë i përmbytur. Lumi Ishëm dhe kanali i Budullës kanë dalë nga shtrati gjatë duke përmbytur fshatin.
Janë rreth 50 banesa të rrethuara nga uji, por fatmirësisht uji akoma nuk ka hyrë brenda tyre.
Raportohet se janë përmbytur fshatrat Luz, Mazhë, Mallkuc, Gjuricë, Bilaj, Murqine, Hasan, Ura e Gjoles etj. Janë me qindra hektarë tokë dhe dhjetëra banesa të rrethuara nga uji.
Akset kryesore rrugore janë të kalueshme aktualisht. Problem janë rrugët e fshatrave të mësipërm.
