Një ngjarje e rëndë është regjistruar në Itali. Një 34-vjeçar është vënë në pranga pasi akuzohet se qëlloi me armë zjarri dhe e vrau babanë e vet gjatë gjuetisë për derra të egër.
Dy personat ishin duke lëvizur nëpër shkurre të dendura afër qytezës Postiglione, në provincën jugore të Salernos, kur ndodhi rasti tragjik.
34-vjeçari qëlloi me armë gjahu kur e pa një hije dhe kur dëgjoi se diçka po lëvizte mbi gjethet e rëna në tokë. Ai menjëherë i lajmëroi autoritetet kur e kuptoi çfarë kishte bërë dhe u përpoq t’i jepte ndihmë babait.
Megjithatë, mjekët nuk mundën të bëjnë asgjë për ta mbajtur në jetë burrin 55 vjeç, Martino Gaudioso.
Ata kishin dalë për gjah në një zonë të parkut kombëtar ku gjuetia është e ndaluar me ligj. Për këtë arsye, policia ua konfiskoi pushkët, raportojnë mediet lokale.
Në tetor të vitit të kaluar, minsitri italian i mjedisit kishte bërë thirrje që gjahu të ndalohet në tërë vendin gjatë të dielave pasi një djalë 18 vjeç ishte vrarë afër kufirit me Francën, shkruan “BBC”.
