Ministrja e Arsimit, Besa Shahini ka njoftuar ditën e sotme që mësimi do të rifillojë si normalisht.
Me anë të një statusi në Facebook, Shahini shkruan se nga nesër të gjitha institucionet arsimore do të rihapin dyert për nxënesit, përveç dy shkollave të dëmtuara nga lëkundjet.
“Siç njoftuam edhe dje, të gjitha shkollat janë gati për të rifilluar mësimin. Aty ku ka patur plasaritje, janë mbyllur dje nga ekipet që punuan deri natën vonë. Dy shkolla vartëse nuk do të hapen nesër, por nxënësve u është siguruar transport për tek shkolla qendër. Shpresoj që nxënësit dhe prindërit pushuan dhe u qetësuan sot. Nesër të gjithë në mësim,”-shkruan ministrja.
Postimi i plotë:
Ditën e djeshme, ministrja e Arsimit Besa Shahini në një deklaratë për shtyp njoftoi se mësimi në shkolla do të pezullohej deri pas qetësimit të situatës. Bashkë me fëmijët, edhe prindërit të cilët punojnë në administratë do të ishin pushim për të qëndruar pranë prindërve.
