Kryeministri Edi Rama ka vituar qytetarët e dëmtuar nga tërmeti, që po vijojnë të marrin trajtim mjekësor te Truama.
Rama ka takuar të gjithë pacientët, të cilët i ka pyetur rreth gjendjes shëndetësore, dhe momenteve se si janë dëmtuar nga tërmeti.
Rama pas takimeve ka dhënë një prononcim për mediat, ku ka falenderuar në mënyrë të veçantë mjekët që kanë punuar gjatë gjithë natës.
Rama tha se mjekët kanë reaguar në kohë për tërmetin dhe pse ishin në një ditë pushimi.
“Kjo është një nga ato ditë që na jepet mundësia të vlerësojmë si duhet mjekët e infermierët, që në të përditshme marrin shumë shqetësime dhe ngacmime të padrejta.
Por në një rast si ky është momenti për t’i falenderuar për të gjitha dhe për të shprehur të gjithë mirënjohjen, pasi dje ka qenë një ditë pushimi dhe është fakt kohës së dhënies së alarmit të gjithë janë nisur për të ardhur në pikat kyce, pa pritur që të vij njoftimi.
Janë gjendur pranë kolegëve të tyre. Është një shprehje shumë domethënëse e vetëdijes dhe ndjenjës së solidariteti, fluksi i parë që ka qenë i madh dhe lavdi zotit dhe falë natyrës nuk pati jetë të humbura”, u shpreh Rama.
