Një pallat në zonën e Freskut në Tiranë ka pësuar dëme të shumta si pasojë e tërmeteve që goditën vendin nga pasditja e djeshme dhe në orët në vijim.
Video e mëposhtme tregon se pallati ka pësuar çarje të mureve dhe rënie të suvasë, ndërsa nuk dihet nëse ai është një nga 42 objektet që ka evidentuar Bashkia e Tiranës si të dëmtuara.
Banorët shprehen të shqetësuar, dhe njëkohësisht janë në panik, për shkak se objekti ka marrë goditje në çdo kat.
Si pasojë e situatës së krijuar, banorët në këtë pallat kanë qëndruar jashtë banesave të tyre gjatë natës për shkak të pasigurisë dhe frikës se goditje të tjera sizmike mund të shkatërronin pallatin.
