Jo të gjitha plasaritjet janë të rrezikshme.
Kështu u shpreh Kryeministri Edi Rama në mbledhjen që po zhvillon me drejtues të Ministrisë së Mbrojtjes, Shtabit të Emergjencave, prefektët dhe ministrat Sandër Lleshaj dhe Olta Xhaçka, lidhur me menaxhimin e situatës pas tërmeteve.
“Nuk jam ekspert, por jam njeri i informuar. Edhe godina e Kryeministrisë është plasaritur, por nuk është në rrezik.
Ndaj qytetarëve duhet t’i sqarojmë këtë moment. Çfarë ka ndodhur? Është njëlloj si me hemoragjinë, që kur plas lë shenja në lëkurë. Edhe me lëkundjet e tërmetit, ndodh që plasariten muret, por jo se ka rrezik.
Ndaj duhet të inspektoni çdo banesë, të dëgjoni qytetarët që janë ende në panik. Inspektoni ndërtesat, bëni vlerësimet, kujdes nga spekulantët.
Nuk është çarje pallati kur në një pallat funksionon fuga sizmike. Është me rëndësi që çdo plasaritje të inspektohet në mënyrë profesionale dhe çdo cënim i çdo pallati sepse mund të jetë sikundër e kemi vënë të reagimi i fugës sizmike, por mund të jetë edhe një cënim strukturor që e bën të rrezikshëm për më tutje godinën.
Të gjithë ju të spostoheni në Durrës me një synim: çdo familje që hyn në atë rrethin e parë të stresit dhe që gjatë natës ka qëndruar jashtë të kontaktohet.”, tha Rama.
