Në mbledhjen e jashtëzakonshme të Qeverisë, ministri i Brendshëm, Sandër Lleshaj, ka raportuar mbi situatën pas tërmeteve që vijojnë të godasin vendin, kryesisht me epiqendër detin Adriatik, në distancë të vogël nga Durrësi.
Lleshaj tha se aktualisht në terren janë 2200 forca policore.
“Strukturat e Policisë janë angazhuar që në momentin e parë të tërmetit. Të gjitha strukturat janë ngritur dhe kanë marrë situatën nën kontroll.
Të gjitha prefekturat janë në gatishmëri dhe më aktive janë Durrësi dhe Tirana”, tha Lleshaj.
Ai bëri të ditur se po vijohet lidhur me evidentimin e dëmeve që janë shkaktuar nga tërmeti.
