Ish-ministri i Brendshëm, Saimir Tahiri ka paralajmëruar një komunikim publik ditën e nesërme.
Në një status në Facebook, Tahiri shkruan: “Neser ne 11.30 shihemi live ketu, per te shpjeguar te verteten time, deri ne kete stacion te pare”.
Njoftimi vjen pak pas reagimit të ambasadës amerikane në Tiranë, që u shpreh se dënimi ndaj tij është “shkurajues, duke pasur parasysh se sa të rënda ishin akuzat”.
Tahiri u dënua dje me 5 vite burgim (3.4 vite për shkak të gjykimit të shkurtuar), por që u konverua në 3 vite shërbim prove. Gjykata e Krimeve të Rënda e rikualifikoi akuzën në shpërdorim detyre, duke rrëzuar akuzat për trafik droge dhe pjesëmarrje në grup kriminal ndaj ish-ministrit të Brendshëm. Ndërkohë, prokuroria kishte kërkuar 12 vite burgim në pretencën e saj.
Pas vendimit të gjykatës, Tahiri paralajmëroi një komunikim me mediat pikërisht këtë të premte, por duket se i është dashur më shumë kohë për tu shprehur.
