Ish-modelja e “Playboy”-t, Dani Mathers është gjendur nën një rrebesh kritikash për postimin e fotos së një gruaje të zhveshur në dushet e palestrës së frekuentuar prej saj në Los Anxhelos.
Mathers, e shpallur “playmate” e vitit në 2015-n, e hodhi pamjen polemizuese në profilin e saj në “Snapchat”, shoqëruar me komentin:
“Nëse sytë e mi nuk e shohin dot këtë, as tuajt nuk do të munden”. Ndërsa në foto mund të shihet edhe ajo vete me dorën e vendosur tek goja sikur të jetë duke mbuluar të qeshurën. Pronarët e palestrës “L.A. Fitness” reaguan menjëherë duke pezulluar anëtarësimin e Mathersit.
Ata postuan një mesazh në “Tëitter”, ku e cilësonin sjelljen e modeles krejtësisht të papranueshme dhe që i vë në rrezik anëtarët e tjerë të klubit. I dhamë fund anëtarësimit të saj, sqarohet në mesazh, nuk do ta përdorë dot me ketë klub.
Nuk është vendim i njëanshëm, është shenjë e thjeshtë qytetarie. Raportet në shtypin vendas tregojnë se vajza ka humbur gjithashtu vendin e saj të punës si drejtuese e një emisioni radiofonik.
Mathers lëshoi një apologji përmes “Snapchat”-it, por pas furtunës së reagimeve që shkaktoi tallja e saj me trupin e një femre tjetër, i ka fshirë të gjitha profilet e veta në mediat sociale.
