Pas dorëheqjes së drejtoreshës së Autoritetit Rrugor Shqiptar, Sonila Qato, po lakohen edhe emrat e parë se kush do të zërë vendin e saj.
Sipas raportimeve, një prej kandidaturave kryesore është ish drejtoresha e Tatimeve Vasilika Vjero. Përveç drejtimit të Tatimeve, Vjero ka qenë më herët edhe drejtuese e Qendrës Kombëtare të Biznesit. Megjithatë vendimi pritet që të zyrtarizohet nga qeveria.
Kujtojmë që dorëheqja e Sonila Qatos erdhi pas akuzave të disa ditëve më parë nga kompania ‘Gjoka Konstruksion’, se ish drejtoresha e ARRSh-së ka prishur imazhin e kompanisë dhe ka shkelur ligjin në tenderimin e rrugës Kardhiq-Delvinë.
Pas skandalit për rrugën e Arbrit, dorëhiqet Sonila Qato/ Më duhet të përballem me akuzat
