Depuetja Rudina Hajdari, e cila nuk dorëzoi mandatin e ligjvënëses në shkurt të këtij viti, u shpreh se gatshme që opozita të bëhet pjesë e diskutimeve për reformën zgjedhore.
Hajdari shkruan në rrjet se ftesa për dialog është dhe për opozitën që është jashtë, por dhe për palët e tjera.
“Rezoluta një zëri gati, Reforma Zgjedhore po merr rrugën e duhur. Ftesa për opozitën jashtë për dialog, e mirëpritur nga të gjitha palët. Kërkesat më në fund po gjejnë konsensus. Pak orë dhe ditë na ndajnë nëse politika do t’i përgjigjet po 90% të 🇦🇱 për hapjen e negociatave…”, shkruan Hajdari.
Ftesa e Hajdarit vjen një ditë pas letrës që Kryeministri Edi Rama i drejtoi kryetarëve të partive opozitare lidhur me vendosjen e urave të dialogut për reformën zgjedhore.
