Një ndër deputetët e rinj që hyri me shumë bujë në Kuvend si pasojë e një incidenti me bojë ndaj tij, i cili u kthye edhe në viral në rrjetet sociale, Ralf Gjoni ka shkuar akoma edhe më larg ditën e sotme gjatë fjalës së tij në Kuvend.
Duke lënë të kuptohet se marrëdhënia e tij me ndërkombëtarët është akoma edhe më e besueshme dhe e fortë se sa edhe vetë e kreut të qeverisë, Gjoni ka vënë në lojë mandatin e tij në emër të Reformës Zgjedhore.
Gjatë fjalës së tij në Parlament ai u zotua se Reforma Zgjedhore jo vetëm që do të kryehet, por asnjë shqiptari nuk do t’i vidhet më asnjë votë pas ‘opozita e re’ është në këmbë dhe e gatshme ti dalë për Zot procesit zgjedhorë. Nga ana tjetër ai siguroi shqiptarët se nuk do të ketë asnjë marrëveshje mes Ramës dhe Bashës për sa kohë deputeti që ‘u la e u shpla’ me bojë më keq se vetë Rama, është akoma pjesë e këtij Kuvendi.
Me sa duket as vetë Presidenti Meta nuk e kishte menduar se ‘vota’ dhe ‘zgjedhjet e lira dhe të ndershme’ së bashku me ‘marrëveshjet’ do të ruheshin kaq fortë nga një opozitar me karrige i dalë nga listat e LSI. Qënkemi shqetësuar më kot!
