Gjatë deklaratës së saj për shtyp zëvendës drejtoresha e Policisë së Shtetit Aida Hajnaj, deklaroi se policia e Rinasit në bashkëpunim me Interpol Tiranën, kanë arrestuar një shtetas turk , i kërkuar nga drejtësia zvicerane.
“Në orët e fundit në Rinas, në dalje, Policia Kufitare ka kapur dhe ndalur shtetasin turk T. N., 35 vjeç, i kërkuar nga Zvicra për vrasje. Gjithashtu, vlen të përmendet arrestimi dhe ekstradimi drejt Finlandës i një shtetasi të huaj, i cili figuronte në listën e personave më të kërkuar, me rrezikshmëri të lartë shoqërore dhe fshihej në territorin shqiptar”.
