Ish-deputeti socialist, Elmaz Sherifi, përmes një postimi në rrjet i është drejtuar Metthew Palmer, zv. Ndihmës Sekretarit amerikan të Shtetit, lidhur me qëndrimet dhe deklaratat e tij për situatën në Shqipëri.
“Sot Shqipërisë nuk i mungon vetëm Gjykata Kushtetutese, por edhe Gjykata e Lartë. Dje u shpreh shqetësimi se do mbesim edhe pa Gjykatë Apeli. Kemi një Parlament të sajuar. Jemi me Prokurore të Perkohshme të Përgjithshem prej 2 vjetësh.
Nuk kemi Kryetar të Kontrollit të Lartë të Shtetit. Veteqeverisja vendore u zëvendësua me Këshillat Popullore të Rretheve. Ku është shteti i së drejtës që ta kuptoj Palmer ?”, shkruan Sherifi.
Reagimi i ish-deputetit socialist vjen një ditë pasi Palmer tha për Zërin e Amerikës se ne do të donim që ngërçi i tanishëm politik në Shqipëri të zgjidhej.
“Ne kemi një partneritet të mirë e të ngushtë me qeverinë aktuale të Shqipërisë ashtu siç kemi pasur një partneritet të mirë e të ngushtë me qeverinë e mëparshme. Shtetet e Bashkuara nuk zgjedhin fitues dhe humbës në lojën politike, askund, dhe veçanërisht në Ballkanin Perëndimor, ku jam duke u përpjekur të bëj punën time.
Ne punojmë me qeveritë që dalin përmes zgjedhjeve demokratike. Ne i kuptojmë dëshirat e opozitës për të parë zbatimin e reformave dhe e mbështesim qëllimin e reformave.
OSBE-ja ka bërë rekomandime shumë specifike në lidhje me reformën zgjedhore në Shqipëri. Ne do të dëshironim të shihnim një dialog midis qeverisë dhe opozitës për këto reforma, dhe, kur kjo marrëveshje të arrihet, do të dëshironim që zgjedhjet e ardhshme të zhvillohen mbi këtë bazë.
Ndërkohë, është e rëndësishme që Shqipëria të krijojë një Gjykatë Kushtetuese në mënyrë që ajo të gjykojë mosmarrëveshjet që do të lindnin në sferën politike. Por, mbi të gjitha, dhe kjo është shumë e rëndësishme, populli i Shqipërisë mund të mbështetet tek miqësia dhe partneriteti me Shtetet e Bashkuara.
Aleatët tanë, partnerët tanë janë Shqipëria dhe populli shqiptar. Politika është politikë, por marrëdhënia midis Shteteve të Bashkuara dhe Shqipërisë është e fortë dhe e qëndrueshme”, tha Palmer.
Postimi nga Elmaz Sherifi
“Si ta kuptojme Palmer” ?
Pyes, se e kam shume te veshtire ta kuptoj ! Para zgjedhjeve vendore deklaroi se legjitimitetin e tyre duhet ta percaktoj Gjykata Kushtetutese. Dje u shpreh se ne Shqiperi duhet te krijohet Gjykata Kushtetutese. !
Po legjitimitetin e votimeve, kur dhe kush do e vendos ? Nese kjo eshte Filozofia e se Drejtes e SHBA, une nuk mund te jem kurre me te. Shqiperia shtet eshte bere para nje shekulli. Edhe ne kohen e shtetit te Diktatures se Proletariatit shtet ishte, por nuk ishte Shtet i se Drejtes.
Sot Shqiperise nuk i mungon vetem Gjykata Kushtetutese, por edhe Gjykata e Larte. Dje u shpreh shqetesimi se do mbesim edhe pa Gjykate Apeli. Kemi nje parlament te sajuar. Jemi me Prokurore te Perkoheshme te Pergjithshem prej 2 vjetesh.
Nuk kemi Kryetar te Kontrollit te Larte te Shtetit. Veteqeverisja vendore u zevendesua me Keshillat Popullore te Rretheve. Ku eshte shteti i se drejtes qe ta kuptoj Palmer ?
