Në këto orë kritike po zhvillohen takime të shumta mes politikanëve dhe krerëve të partive kryesore. Pas dështimit edhe të takimit të tre negociatorëve të tre partive kryesore për konsesus ditën e sotme, kryetari i Kuvendit, Ilir Meta ka takuar liderin e opozitës Lulzim Basha.
Basha dhe Meta janë parë në mesditën e sotme të jenë takuar në ambientet e hotel Rogner në kryeqytet. Më parë në mëngjes në këtë hotel ishte kryeministri i vendit Edi Rama me kreun e PDIU Shpëtim Idrizi dhe deputetin e kësaj force politike Aqif Rakipi. Meta në këtë takim shoqërohet nga kreu i grupit parlamentar të LSI Petrit Vasili dhe ministri i Drejtësisë Ylli Manjani.
