Mark Babani, kryetar i Bashkisë së Vaut të Dejës i dalë nga votimet e 30 qershorit, në një deklaratë për mediat ka mohuar akuzat e Partisë Demokratike.
Më herët gjatë kësaj të hëne, sekretari i Përgjithshëm i PD-së, Gazmend Bardhi publikoi disa dokumente, duke u shprehur se vërtetojnë arrestimin e Mark Babanit në Itali për vjedhje makinash më datë 4 Prill 1994 në zonën e Siçilisë, me emrin e rremë Marq Babaj. “Ai është një person me precedent penal, është një i dënuar në Itali dhe sipas ligjit nuk mund të ushtrojë asnjë funksion publik, përfshirë atë të Kryetarit të Bashkisë”, deklaroi Bardhi.
Mark Babani, në një deklaratë për mediat pas akuzave të Bardhit, tha se ato janë të rreme dhe paralajmëroi padi për shpifje.
“Mua s’më ka thirrur prokuroria, po pres ftesën dhe jam gatshëm të shkoj dhe të jap deklarimet e mia. E kanë bërë padinë, pse flasin në televizora, ti rrinë padisë, ti rrinë ligjin. Ato po sajojnë për të ulur imazhin tim… Nga data 1 prill ‘94 deri në 27.10.’94 kam qenë në hotel gjatë gjithë kësaj periudhe, s’kam qenë kurrë as i arrestuar as i ndaluar”, tha Babani, s’kam ndryshuar asnjëherë emër ose mbiemër, mbiemrin e kam ndryshuar vetë, në momentin që e kemi ndryshuar si familje”.
Kryebashkiaku tha se do bëjë padi lidhur me akuzat sipas tij të rreme, dhe paratë e përfituara do ti përdorë për investime publike në bashkinë e Vaut të Dejës, ku tha se është vjedhur gjatë këtyre 25 viteve.
Dokumenti/ ‘Babani, krimineli publik që mbrohet nga Rama”/ PD thirrje Prokurorisë: Zbatoni ligjin
