Bashkia e Tiranës do të nisë shpërndarjen e bonuseve të strehimit, ndërsa 5 bashki të tjera kanë paraqitur dokumentacionin për shpërndarjen e qirasë.
Ministrja e Zhvillimit Urban, Eglantina Gjermeni, shpjegon funksionimin e programit të kreditimit të lehtësuar dhe bashkitë që i kanë dorëzuar dokumentacionin.
“Deri më tani, pranë Ministrisë së Zhvillimit Urban kanë dorë¬ zuar dokumentacionin e plotë bashkitë Mirditë, Has, Pogradec, Korçë dhe Elbasan. Jemi në pritje të plotësimit të dokumentacionit edhe nga bashkitë Malësi e Madhe, Pukë, Lushnjë, Himarë, Librazhd, Tropojë, Shijak. Ndërkohë që janë specifike dy bashkitë më të mëdha në vend Tirana dhe Durrësi që do të dorëzojnë kërkesën për bonus, pasi të kenë shpërndarë banesat sociale. Për të qenë plotësisht e saktë, nga Bashkia Tiranë është përfunduar ndarja e banesave sociale, kështu që do të vazhdojmë menjëherë më dhënien e bonusit social për familjet në nevojë”, tha Gjermeni. Ministrja flet edhe për kategoritë që përfitojnë.
“Në total janë 196 familje, nga të cilat 36 familje me statusin e personit me aftësi të kufizuar, 48 familje të komunitetit rom. 20 familje gra kryefamiljare dhe 76 familje me të ardhura shumë të ulë¬ ta që do të përfitojnë pagesën e qirasë nëpërmjet bonusit të strehimit në masën 50%”, tha Gjermeni.
Për strehimin e komunitet rom dhe egjiptian, ministrja e Zhvillimit Urban tha se në 2016 do të ketë investime të reja.
“Për vitin 2016 janë 174 familje të komunitetit rom dhe egjiptian, të cilat do të jenë përfituese direkte të investimeve të kryera nga Ministria e Zhvillimit Urban në 9 bashki të vendit. Aktualisht, puna për zbatimin e projekteve ka nisur në 5 bashki. Konkretisht, në njësinë administrative Fushë– Krujë, ku janë duke u rehabilituar 28 banesa të komunitetit rom. Në bashkinë Vlorë ku po rikonstruktohen 33 banesa të komunitetit egjiptian, në Bashkinë Elbasan ka përfunduar projekti i financuar për rehabilitimin e 11 banesave të komunitetit rom në lagjen “5 Maji”, në Bashkinë Shkodër vijon puna për rehabilitimin e 9 objekteve, si dhe në Bashkinë Rrogozhinë vijon puna për ndërtimin e një objektit të ri 2¬katësh, ku do të strehohen 8 familje të komunitetit rom”, u shpreh ajo.
