Mësohet se ka humbur jetën vajza e mitur e cila u plagos nga aksidenti i rëndë i regjistruar te “Rruga e Kombit
Një automjet “Toyta Yaris” doli nga rruga dhe për pasojë është përplasur me bordurën anësore.
E mitura ishte pasagjere në makinë. Përplasja ka qenë mjaft e fortë pasi siç mësohet nga burime policore, e mitura kishte mbetur e gjymtuar nga aksidenti. E mitura ishte vajza e drejtuesit të mjetit.
Ambulanca është vonuar me shumë se 40 minuta për të arritur në vendin e ngjarjes dhe pavarësisht se është tentuar t’i jepet ndihma e parë të miturës, ajo nuk ka mbijetuar për shkak të plagëve të marra.
Ndërkohë që nuk dihet ende identiteti i shoferit të mjetit dhe viktimës. Policia pasi ka shkuar në vendngjarje po heton lidhur me rrethanat e mëtejshme të këtij aksidenti me pasoja të rënda.
