Është ndarë nga jeta ditën e sotme avokati i njohur shqiptar, Flamur Çato. Lajmi është bërë i ditur përmes rrjeteve sociale nga Komitetit Shqiptar i Helsinkit.
Avokat Çato ka qenë anëtar i Komitetit Shqiptar të Helsinkit dhe ka dhënë një kontribut të madh në mbrojtjen e të drejtave dhe lirive të njeriut.
Ja njoftimi i KSHH-së:
Pas një beteje me një sëmundje të rëndë, KShH ndan sot me dhimbje, lajmin e rëndë për ndarjen nga jeta të av. Flamur Çatos. Kontributi i av. Çatos si anëtar i asamblesë së KSHH-së është një gur themeli në veprimtarinë e organizatës për mbrojtjen e lirive dhe të drejtave të njeriut në vendin tonë. I paharruar qoftë kujtimi i tij.
