Ceremonia përkujtimore e 76-vjetorit të betejës së Gërrhoit ka sjellë përplasjen e familjarëve dhe deputetëve të Partisë Demokratike dhe të Ballit kombëtar Demokrat. Ka pasur një përplasje mes dy partive Ballit Kombëtar dhe Ballit Kombëtar Demokrat.
Sot, ceremonia është organizuar nga Balli Kombëtar Demokrat, që drejtohet nga deputeti Artur Roshi dhe kjo ka irrituar pjesëmarrësit e Partisë së Ballit Kombëtar, që udhëhiqet nga deputeti Adriatik Alimadhi.
Në këtë cermoni kanë qenë prezentë edhe ish-deputetët e Partisë Demokratike, Luan Baçi dhe Enkelejd Alibeaj. Përplasjet kanë vijuar rreth 10 minuta dhe janë mbyllur pikërisht kur ka përfunduar edhe ceremonia përkujtimore.
Për të qetësuar situatën ka ndërhyrë edhe ish-kreu i PD-së në Gjirokastër, Dash Aliko.
Çfarë është lufta e Gërrhoit?
Vetëm pak ditë pas kapitullimit të Italisë fashiste ndodhi tragjedia kombëtare e Gërhotit, e quajtur si një nga pikat kulmore të vëllavrasjes midis dy forcave politiko-ushtarake shqiptare, Partisë Komuniste dhe Ballit Kombëtar, luftë e filluar menjëherë pas prishjes së Marrëveshjes së Mukjes. Lufta filloi e ashpër dhe në këtë betejë të përgjakshme ku u vranë 36 persona të Ballit Kombëtar, mes tyre edhe kryetari Hysni Lepenica.
