Analisti Preç Zogaj la të kuptohet se ish-ministri i Brendshëm, Saimir Tahiri mund të dënohet nga gjykata, për tu bërë “kurban”.
Në emisionin “Java” në TVSH, Zogaj u shpreh se drejtësia e re nuk duhet të nisë më një bllof të tillë.
“Unë besoj se nuk ndodh të dënohesh pa prova, edhe në kontekstin e drejtesisë së re. Nuk e imagjinoj që drejtësia e re të nis me një dënim pa prova të qarta. Nuk do të ndodhë një gjë e tillë në sistemin e drejtësisë me tre shkallë. Shqipërise nuk i duhet ky lloj kurbani duke bërë një padrejtësi ndaj një individi për të arritur disa objektiva”, deklaroi Zogaj.
Më herët gjatë kësaj jave, prokuroria kërkoi 12 vite burg për ish-ministrin Tahiri.
