Kjo është një krizë e gatuar prej vitesh. Kështu u shpreh Presidenti Ilir Meta në studion e Syri-t lidhur me situatën politike në vend.
Gazetari Çim Peka e pyeti Metën nëse po fliste për komplot, ndërsa Presidenti tha “po flas për realitetin, po më zhgënjen”.
“Nuk lejoj askënd të bëjë eksperimente me Shqipërinë, përfshi edhe George Soros, sepse nuk ma lejon as eksperienca ime e gjatë në politikë.
George Soros ka një kontribut shumë të mirë për demokracinë në vitet 1993-1996, ku ndihmoi mediat e pavarura, shoqërinë civile dhe demokracinë, për të përballuar një situatë autoritarizmi që kishte Shqipëria në atë kohë”, tha Meta.
Presidenti tha se kjo krizë e orkestruar nga lart, nga jashtë, a ku di unë, tregon se këtu ka probleme.
“Ndaj kam kërkuar që këtu duhet të bëjnë testin mendor”, tha Meta.
I pyetur lidhur me deklaratën e bërë se do të bëhej si Avni Rustemi, Meta duke iu drejtuar gazetarit Peka tha “ju po përjetoni problemet e globalizmit dhe nuk po përfitoni nga globalizmi. Akti i Avni Rustemit ka qenë i papranueshëm, por ka qenë një akt shtet-formues, pavarësisht se ka qenë i keq”.
