Shkon në 58 numri i të ndaluarve në kuadër të operacionit “LIMIT”.
“Në vijim të operacionit ‘LIMIT’, shërbimet e Policisë kapën dhe ndaluan shtetasin H. S., 65 vjeç, banues në Korçë, pasi Gjykata e Shkallës së Parë për Krimet e Rënda Tiranë, ka caktuar masën e sigurisë ‘Arrest në burg’, për veprat penale ‘Trafikimi i narkotikëve’, ‘Grup i strukturuar kriminal’ dhe ‘Kryerja e veprave penale nga grupi i strukturuar kriminal’, njoftoi policia.
Gjatë operacionit në Shqipëri dhe Greqi u sekuestruan rreth 320 kg kanabis, 7.5 kg Kanabis në formë çokollate, 2.4 kg Kokainë, laboratorë për kultivim të bimëve narkotike, 3800 fara kanabis, fishekë luftarakë, si dhe janë asgjësuar parcela me bimë narkotike të kultivuara.
Megaoperacioni/ Farat e kanabisit vinin në Holandë në Shqipëri, zbardhet skema e trafikimit…
“Gjatë periudhës së hetimit 2016 – 2019, është shkëmbyer në kohë reale informacion me partnerët tanë nëpërmjet SELEC-ut për aktivitetin kriminal të personave të përfshirë në këto grupe kriminale dhe si rezultat, nga autoritetet policore greke janë arrestuar 34 persona, të cilët ushtronin aktivitetin kriminal të trafikimit dhe shpërndarjes të narkotikëve”, bënë me dije burime zyrtare nga policia.
Ndërsa gjatë operacionit “LIMIT” të zhvilluar në Shqipëri, u arrestuan 23 persona dhe 8 u shpallën në kërkim, njëri prej të cilëve u kap mëngjesin e sotëm nga Policia e Shtetit.
