Ish-Kryeministri Sali Berisha bëri një deklaratë të fortë mbrëmjen e sotme në studion e Opinion, ku tha se SHISH po i fsheh Presidentit të Republikës një raport mbi situatën e drogës në vend.
Berisha tha se përhapja e drogës këtë vit është e jashtëzakonshme, por SHISH nuk ia ka dorëzuar raportin me të dhënat sekrete.
“Janë me qindra fshatra, nga Konispoli deri në Alpet me parcela kanabisi”, tha Berisha.
Sipas ish-kryeministrit, Presidentit i çohet një raport se do të digjet Parlamenti, dhe mirë kanë bërë që ia kanë çuar, por në rastin e drogës, Presidentit të Republikës, i është çuar një raport për drogën, ndërsa kryeministrit Edi Rama, një raport tjetër.
