Nëntë deputetë, anëtarë të Komisionit parlamentar të Sigurisë, kanë depozituar kërkesën për një seancë dëgjimore me kreun e SHISH, Helidon Bendo.
Shkak është bërë një deklaratë e Presidentit të Republikës, Ilir Meta, në komisionin hetimor të ngritur për shkarkimin e tij, ku tha se kishte informacione sekrete që në 8 qershor, kishte një skenar për djegien e Parlamentit.
Në të njëjtën datë opozita do të organizonte një protestë, ndërsa pak minuta përpara nisjes së saj, Presidenti deklaroi firmosjen e një dekreti që anulonte mbajtjen e zgjedhjeve më 30 qershor.
Lidhur me këtë deklaratë, ka pasur reagime nga deputetë të Rilindjes, por jo nga Kryeministri.
Ky i fundit, informohet ashtu si edhe Presidenti, nga agjensitë ligjzbatuese.
Ndërkohë pyetja që i është shtruar Presidentit Ilir Meta ishte ajo sepse nuk thirri Këshillin e Sigurisë Kombëtare për të trajtuar informacionet që kishte.
Deputetët që kanë firmosur për thirrjen e Bendos në Komision janë:
Xhemal Qefalija
Ladi Vorpsi
Eljo Hysko
Anduel Xhindi
Antoneta Dhima
Lefter Maliqi
Myslim Murrizi
Luan Duzha
Elena Xhina
