Bashkia e Tiranës ka shtyrë afatin e vetëdeklarimit nga qytetarët mbi sipërfaqet që kanë në pronësi në banesat e tyre.
Kështu nga 15 shtatori që ishte afati i fundit për të vetëdeklaruar sipërfaqen, ai është shtyre deri më 30 tetor.
Duket se fluksi i lartë në sportelet e Ujësjellësit ka detyruar Bashkinë e Tiranës që të shtyjë me 45 ditë procesin.
Sipas ligjit, për ata që nuk e bëjnë vetëdeklarimin, do të jetë drejtoria e ujësjellësit që do të verifikojë më zyrat e hipotekës, por edhe në terren sipërfaqen e banesës.
Aktualisht për çdo banesë paguhet 1200 lekë në vit taksë pasurie, me ligjin e ri niveli i takës rritet dy deri në trefish, në varësi të sipërfaqes si dhe vlerës së pronës.
