Mbrëmjen e sotme një makinë e blinduar me targa ruse u përmbys tek rrethrretullimi ‘Shqiponja’ në Tiranë. Filimisht u raportua se drejtuesi i mjetit ishte larguar nga vendngjarja dhe se makina mund të ishte e vjedhur.
Në fakt drejtuesi i mjetit është transportuar menjëherë në spital pasi ka marrë disa plagë në tru, ndërkohë që policia ka bërë dhe indetifikimin e tij.
Ja njoftimi i Policisë:
Rreth orës 22:00, në afërsi të sheshit “Shqiponja” një automjet me targa të huaja me drejtues shtetasin E. D., 34 vjeç, banues në Shkodër në rrethana ende të paqarta ka dalë nga rruga.
Si pasojë e daljes nga rruga është dëmtuar jashtë rrezikut për jetën vetë drejtesi i mjetit i cili po merr mjekim në spital.
Grupi hetimor ndodhet në vendngjarje dhe po punon për sqarimin e pronësisë së mjetit si dhe të shkakut të daljes nga rruga.
