Të mos zbatohet një dekret i Presidentit të Republikës është shkelje e pastër e ligjit dhe një veprim qesharak nga mazhoranca e institucionet e kontrolluara prej saj.
Kështu u shpreh avokati Ledio Braho në studion e Faxneës, duke theksuar se Presidenti kreu veprimin e duhur për të shmangur një përplasje civile përmes shtyrjes së zgjedhjeve me një dekret, pavarësisht se nuk arriti që procesi të stoponte.
“Mendoj se Presidenti ka bërë zgjedhjen e duhur, është qesharake që dekreti për mbajtjen e zgjedhjeve më 13 tetor nuk u botua në Fletoren Zyrtare”, tha Braho.
Lidhur me Reformën në Drejtësi, tha se ajo që u krijua është se drejtësia ndodhet në një periudhë tranzitore, që po sjell dëme lidhur me ecurinë e kësaj reforme.
“Përpara se të niste vetting i anëtarëve të Gjykatës Kushtetuese, duhej të krijohej një shportë me emrat e kandidatëve, që plotësonin kriteret, në mënyrë që sot të mos kishim këtë situatë që kemi”, tha ai.
