“U themi politikanëve shqiptarë që t’i afrohen aq sa munden jetës dhe veprës së Imam Hysenit, se do gjejnë në të jo thjesht kuriozitetin historik dhe fetar, por në mënyrë të veçantë konceptin e tij për pushtetin, që do jetë vërtet në shërbim të popullit”.
Është ky mesazhi që Kryegjyshi Botëror Bektashian, Baba Mondi,i ka drejtuar politikanëve shqiptarë në Ditën e Ashures, e cila kremtohet nga besimtarët bektashinj.
Në vijim të thirrjes ndaj politikës, Baba Mondi tha se politikanët duhet t’a meritojnë respektin e popullit dhe jo ta kërkojnë atë përmes kulmeve e premtimeve të pambajtura, çka e çon këtë vend në zgrip të varfërisë.
Në një ceremoni, të zhvilluar në Kryegjyshatën Botërore, besimtarët kanë përkujtuar 72 dëshmorët e rënë në tragjedinë e Qerbelasë.
