Neymar ka qenë një ndër emrat më të përfolur në merkaton verore. Ai lidhej me një transferim të mundshëm te Barcelona, pasi kjo ishte dhe dëshira e tij.
Mirëpo në katalonjë ishin të ndarë në dy kampe, disa që e donin këtë transferim e disa që nuk e donin.
Ata që e dëshironin këtë transferim, mendonin se ardhja e brazilianit ishte thelbësore për të ringjallur skuadrën në nivelin evropian dhe për të fituar Ligën e Kampionëve. Ky mendim duket se është përforcuar në bazë të informacionit të dhënë nga “Sport” .
Sipas asaj që raporton media e njohur spanjolle, lojtarët blaugran ishin të gatshëm të fusnin dorën në xhepat e tyre për të ndihmuar në financimin e sulmuesit të Paris Saint-Germain.
Kjo ka nxjerrë në pah marrëdhënien e mirë të Neymar me disa lojtarë. Sidoqoftë, iniciativa u përjashtua nga drejtuesit që zbuluan se operacioni nuk ishte i realizueshëm.
