Një jaht luksoz është gjetur pasditen e djeshme 15 milje nga porti i Durrësit. Mësohet se jahti u ankorua dje rreth orës 22.00 në portin e Shëngjinit.
Jahti kur u gjet ishte me motorra të ndezur, por brenda tij nuk kishte asnjë person. Brenda jahtit janë gjetur dy pasaporta turke, të cilat dyshohet se iu përkasin pronarëve.
Jahti ndodhet i ankoruar në Portin e Shëngjinit, ndërsa ende janë anonim pronarët dhe rrethanat në të cilat ka mbërritur në Adriatik. Policia kufitare ka nisur menjëherë verifikimet për jahtin e braktisur për të gjetur pronarët e tij.
