Drejtori i “Fiks Fare” Filip Çakuli ka thumbuar kryetaren e LSI-së, Monika Kryemadhin për mungesën e presidentit Ilir Meta në 15-vjetorin e Partisë.
Gjatë koktejlit të organizuar për festën, mësohet se Çakuli i ka thënë Kryemadhit se do t’i shkojë sa herë që do ta ftojë, ndryshe nga Meta, i cili sipas tij e ka tradhëtuar në ‘ditën më të rëndësishme’.
Dita e sotme shënon 15-vjetorin e themelimit të LSI-së nga presidenti aktual Ilir Meta. Partia u themelua në vitin 2004, në një kohë kur Meta sapo ishte larguar nga PS-ja. Aktualisht kryetare e partisë është bashkëshortja e Metës, Monika Kryemadhi, e cila në fjalimin e saj para anëtarëve të LSI-së tha ata ishin forca politike që bashkoi rreth kauzës së madhe të ndryshimit dhe integrimit shqiptarët.
