Kryetari i Partisë Demokristiane Nard Ndoka ka hedhur akuza për grushtin e shtetit në Turqi, duke thënë se është organizuar nga vet Presidenti Erdogan.
Ndoka arsyeton se këtë gjë e bëri për të rritur kompetencat e tij si President i vendit, duke realizuar reformën me ndryshimet kushtetuese.
Duke folur për “blofin” e Erdogan, siç e quan Ndoka, ndoshta të njëjtën lojë po luan edhe Rama në politikën shqiptare për ndryshimet e Kushtetutës për reformën në drejtësi.
Statusi në Facebook i Nard Ndokës:
Erdogan e organizoi vetë grushtin e shtetit.
Erdogan vrau vepren e Ataturkut.
Erdogan kerkon të bëhët ‘Sulltani’ i Turqisë!
A ishte grushti i shtetit një regji e luajtur nga Erdogan? Akuza vjen nga njëri prej parlamentarëve më të vjetër të Ankarasë, ish-sekretari i partisë republikane dhe personazh shumë i njohur në politikën turke. Deniz Baykal, ka deklaruar duke ngritur një sërë pyetjesh se si është e mundur që një puç i mirëorganizuar të mund të dështonte në aq pak orë si asgjë të mos ishte?
Ose më mirë, sikur të ishte fiks një blof? Përmes një postimi në Twitter ai ka lëshuar një akuzë shumë të rëndë ndaj presidentit Erdogan. Ai e akuzon të parin e shtetit turk se ishte ai regjisori i asaj që ndodhi mbrëmë, me qëllim që të realizonte reformën kushtetuese për të rritur kompetencën e tij dhe për të pasur fuqi ekzekutive. Sipas tij, tentativa për grusht shteti ishte pikërisht mjeti me të cilin presidenti do të zgjerojë kompetencat e tij.
