Trajneri Roberto Mancini ka dyshim vetëm sulmin përsa i përket të përzgjedhurve për ndeshjen e sotme me Armeninë, e cila do të zhvillohet në orën 18:00 në Erevan.
Nga minuta e parë pritet ta nisin Beloti, në formë fantastike në këtë fillimsezoni dhe i padiskutueshmi Chiesa.
Ndërkohë, i treti që do të kompletojë sulmin pritet të jetë një mes El Sharwuit dhe Bernardeskit, ndonëse juventini duket favorit, duke qenë se ka luajtur me shpesh me Belotin e Chiesën.
Për sa i përket pjesës tjetër, mbrojtja është e kompletuar, sepse në mungesë të Chiellinit do të luajë kapiteni i Milanit, Romagnoli, ndërsa në mesfushë pritet që të “marrë pak frymë” interisti Sensi.
Fakti që ai i ka luajtur të 180 minutat në intensitet të lartë me Interin në dy ndeshjet e para, mund të bëjë që të pushojë dhe të jetë titullar me Finlandën.
Ndërkohë, pjesa tjetër e repartit do të formohet nga dy organizatorët Jorginho e Verrati dhe nga interisti tjetër, Barrella.
Formacioni i mundshëm i Italisë
Donaruma; Florenci, Bonucci, Romagnoli, Emerson; Verrati, Jorginho, Barrella; Bernardeski, Beloti, Chiesa
Trajner: Roberto Mancini
